PENSA CHI CI SUGNU
Ci rissi lu suli a la luna:
“com’è fari pì ncuntrariti un mumentu?
Chissu è lu chiù grossu turmentu
chi m’affliggi senza sosta.
Dimmillu cant’e ghica,
dammilla nà risposta!”
Accussì ci sussuràu à bedda luna:
“L’ha vistu mai n’ta la facci a lu Signuri?
Eppuru tu lu prei, ti senti cunsulatu.
Na mugghieri ca nun viri a ‘u so surdatu
partutu pi la guerra ,un fa atru chi pinsallu
notti e ghiornu, eppuru un ‘ni lu sapi,
cu certezza, s’iddu farà ritornu.
Certi cosi, n’ta stu munnu,
un hannu bisognu d’essiri taliati,
sai c’à ci sunnu,ci sunnu e basta,
e no pì ntercessioni di la vista,
ma picchì l’ha pittati ‘mpettu,
e a to certezza è chista!
Puru si un mi viri
e mi cerchi in luntananza,
pensa chi ci sugnu
e ca mi trovi ca’ prisenti,
e la sira, quannu affunni n’ ta lu mari,
calatinni cu la paci…
calatinni chiù cuntenti…”
Maria Cristina Adragna
PENSA CHE CI SONO
Il sole disse alla luna:”cosa posso fare per incontrarti un momento? Questo è il più grosso tormento che mi affligge senza sosta, dimmelo celermente, dammi una risposta”. Così gli sussurrò la bella luna:” hai mai visto in faccia il Signore? Eppure tu lo preghi, ti senti consolato. Una moglie che non vede il suo soldato che è partito per la guerra non fa altro che pendarlo notte e giorno, eppure non sa con certezza se farà ritorno. Certe cose, in questo mondo, non hanno bisogno di essere guardate, sai che ci sono, ci sono e basta, e non per intercessione della vista ma perché ce le hai dipinte sul petto, è questa la tua certezza. Anche se non mi vedi e mi cerchi in lontananza, pensa che ci sono e che mi trovi qui presente e la sera, quando affondi nel mare, scendi giù in pace, scendi giù felice.
Clicca sul link qui sotto per leggere il mio articolo precedente:
