AMURI 1950
Vi vogghiu cuntari
di me nanna e me nannu,
na storia chi picca
cristiani la sannu,
è un fattu reali,
affascina e incanta,
successi na lu
millinovicentucinquanta.
Me nanna era bedda
e sempri eleganti
e stava pagghiri
all’Animi Santi,
so patri era anticu,
ma un bravu cristianu
e la purmisi pi zita
a un americanu
Na sira, me nanna
si misi na vesta,
la megghiu chi avia,
pi ghiri a na festa
e amentri chi la genti
abballava na danza,
ci eru l’ucchiuzzi
nta u funnu ra stanza.
Taliàva a un picciottu
di circa trent’anni,
ma chi a ditta so
paria già chiù granni
e iddu, addunannusi
chi era taliatu,
si susiu di la seggia
e si ci misi a lu latu.
Parraru sulamenti
p’un brevi momentu
ma già, nta lu cori,
nascia un sintimentu
e amentri chi me nannu
ci tuccava la manu
me nanna pinsava all’americanu.
Tant’è chi unnumàni
ci scrissi un bigliettu
dicennu chi un sintia
chiù nenti nta lu pettu
e puru chi s’aspittava
di so patri na gran prerica
pigghià lu bigliettu
e lu spediu al’America.
Però sti picciotti
foru ostacolati,
a nuddu ci ‘nteressava
si eranu innamurati,
ma iddi chi subitu
l’archiata caperu
pigghiaru, na sira,
e si ni fueru.
A di tempi ci fu
cu fici la spia
e s’appiru a maritari
nta la sacristia,
senz’abitu biancu,
avusu du latri,
ma doppu un annuzzu
nascì po’ me matri.
Purtroppu la sorti,
chi è china di inganni,
si purtà via a me nannu
a quarantott’anni,
di tannu me nanna,
cu tantu duluri,
lu pensa ogni ghiornu
a stu so granni amuri.
Me nanna, stairnata,
sapìti chi dissi?
“Di la morti un mi scantu
e un mi dispiacissi…
a ottantaquattr’anni
avissi un disìu ,
di uncimi arrè
cu l’amuri miu.”
Cristina Adragna
(I miei nonni, sei anni fa, sono tornati insieme nel Cielo❤️)
AMORE 1950
Vi voglio raccontare di mia nonna e mio nonno, una storia conosciuta da poche persone, è un fatto reale che affascina e incanta, accadde nel 1950. Mia nonna era bella e sempre elegante e stava verso le “Anime Sante” (zona di Alcamo), suo padre era antico ma una brava persona e la promise in sposa ad un americano. Una sera mia nonna indossò un vestito, il migliore che aveva, per andare ad una festa, e mentre la gente ballava una danza, i suoi occhi si diressero sul fondo della stanza. Guardava un ragazzo di circa trent’anni, ma che a suo dire sembrava già più grande e lui, accordendosi di essere guardato, si alzò dalla sedia e andò al suo fianco. Parlarono soltanto per un breve momento ma già, nel cuore, nacque un sentimento, e mentre mio nonno le toccava la mano, mia nonna pensava all’americano.
Tant’è che l’indomani gli scrisse un biglietto, dicendo che non sentiva più nulla nel petto, e sebbene si aspettasse da suo padre una gran predica, prese il biglietto e lo spedì in America. Ma questi ragazzi furono ostacolati, a nessuno importava che fossero innamorati, così loro, capendo la situazione, una sera fuggirono insieme. Ai tempi ci fu chi fece la spia e dovettero sposarsi in sagrestia, senza abito bianco, come due ladri, ma dopo un anno nacque mia madre.
Purtroppo la sorte, che è piena di inganni, portò via mio nonno all’età di quarantotto anni e da allora mia nonna, con grande dolore, pensa ogni giorno al suo grande amore.
Oggi mia nonna, sapete cosa mi ha detto?
“Non ho paura della morte e non mi dispiacerebbe…
a ottantaquattro anni avrei un desiderio,
quello di unirmi, nuovamente, all’amore mio“.
Clicca sul link qui sotto per leggere il mio articolo precedente:
[…] “Amuri 1950” di Maria Cristina Adragna […]