LA RUTTA
Lu Diu di lu martiriu
e di la paci ri lu cielu,
patruni di lu suli,
di la luna e di li stiddi,
Signuri cummigghiatu
giustu giustu ri du velu
e Idda lu quariava
cu li vrazza e li capiddi.
Stu nicu avia ricchizzi
tantu quantu l’universu,
chiossai ru ‘mperaturi
chi sazzava meli e frutta
ma iddi , assai cuntenti,
‘ nfridduluti e a tempu persu,
taliavanu l’armali
e a pagghialora nta la rutta.
Un carusittu alatu
rett’annunziu a li pastura,
vulannu ncapu casi
disperati e sutt’assediu,
e chissi, a picca a picca
si mutriaru nta i culura
d’un munnu binirittu,
runn’a tuttu c’è rimediu.
Maria Cristina Adragna
LA GROTTA
Il Dio del martirio e della pace del cielo, padrone del sole, della luna e delle stelle, Signore coperto appena appena da quel velo, e Lei lo riscaldava con le braccia ed i capelli. Questo piccino aveva ricchezze tante quante l’universo, più dell’imperatore che assaggiava miele e frutta, ma loro molto contenti, infreddoliti e a tempo perso, guardavano gli animali e la mangiatoia nella grotta. Un ragazzino alato diede annuncio ai pastori, volando sopra case disperate e sotto assedio e questi, a poco a poco, tergiversarono in mezzo ai colori di un mondo benedetto, dove a tutto c’è rimedio.